A P A Times

‘பாண்டியநாடு’, ‘நான் சிகப்பு மனிதன்’ படத்தைத் தொடர்ந்து விஷால் நடித்து வரும் புதிய படம் ‘பூஜை’. இப்படத்தை ஏற்கெனவே விஷாலை வைத்து ‘தாமிரபரணி’ படத்தை எடுத்த இயக்குனர் ஹரி இயக்குகிறார். இதில், விஷாலுக்கு ஜோடியாக சுருதிஹாசன் நடித்து வருகிறார். மேலும் இப்படத்தில் சத்யராஜ், ராதிகா சரத்குமார், முகேஷ் திவாரி, ஜெயப்பிரகாஷ், தலைவாசல் விஜய், சூரி, மனோபாலா, கௌசல்யா, சித்தாரா உள்ளிட்ட பலர் முக்கிய கதாபாத்திரத்தில் நடிக்கின்றனர்.

யுவன் இசையமைக்கும் இப்படத்தை விஷால் தன்னுடைய சொந்த நிறுவனமான விஷால் பிலிம் பேக்டரி மூலம் தயாரித்து வருகிறார். இப்படத்தின் தியேட்டர் உரிமையை வேந்தர் மூவிஸ் நிறுவனம் பெற்றுள்ளது.



இப்படத்தின் படப்பிடிப்புகள் விறுவிறுப்பாக நடைபெற்றுக் கொண்டு வரும் வேளையில், இப்படக்குழுவினர் தற்போது படப்பிடிப்புக்காக பீகார் மாநிலத்திற்கு செல்லவுள்ளனர். அங்கு கிளைமாக்ஸ் காட்சிகளும், சண்டைக்காட்சிகளும் எடுக்க திட்டமிட்டுள்ளனர். மேலும் இப்படத்தின் சிறப்பம்சமாக பீகார் மாநிலத்தின் உண்மையான அரசியல்வாதி ஒருவர் இப்படத்தில் நடிக்கவுள்ளார்.

படத்தின் படப்பிடிப்பு முடியும் தருவாயில் உள்ளது. கிளைமாக்சைத் தொடர்ந்து 3 பாடல்கள் மட்டுமே படமாக்கப்பட உள்ள நிலையில், அவற்றை சென்னை, ஐதராபாத் மற்றும் சுவிட்சர்லாந்து ஆகிய இடங்களில் படமாக்கவுள்ளனர்.