A P A Times

 கொலிவுட்டில் வி.இசட் துரை இயக்கத்தில் ஷாம் தயாரித்து, நடிக்கும் படம் 6.

விரைவில் வெளிவர இருக்கும் இந்தப் படம் என் வாழ்க்கையை தீர்மானிக்கப்போகும் படம் என்கிறார் ஷாம்.

இது குறித்து அவர் கூறுகையில், என்னதான் வெற்றிப் படங்களில் நடித்திருந்தாலும் நான் இன்னும் முன்னணி நாயகனாக ஆகவில்லை.

அப்படி ஆவதற்கு என்ன செய்ய வேண்டும் என்று யோசித்தபோது என்னையே வருத்திக் கொண்டு ஒரு படத்தில் நடிக்க வேண்டும் என்று முடிவு செய்தேன்.

அப்போதுதான் நண்பர் வி.இசட் துரை இந்தப் படத்தின் கதையை சொன்னார்.

சாதரணமாக சந்தோஷமாக வாழும் ஒருவன் வாழ்க்கையில் திடீரென ஒரு புயல் அடித்து அவனை இந்தியா முழுவதும் அலைய வைக்கிறது. அது என்ன என்பதுதான் கதை.

இந்தப் படத்துக்கு தயாரிப்பாளர்கள் கிடைப்பது கஷ்டம் காரணம் ஷாமை நம்பி பத்து கோடி யாரும் செலவு செய்ய மாட்டார்கள். இதனை என் அண்ணனிடம் சொன்னேன்.

மறுநாளே 5 கோடியை கையில் கொடுத்து படத்தை ஆரம்பி நான் பார்த்துக்கிறேன் என்று சொன்னார். அப்படித்தான் நான் தயாரிப்பாளர் ஆனேன்.

என் அண்ணன் பணம் திருப்பி வரவேண்டும், ஒரு நாயகனாக நான் ஜெயிக்க வேண்டும் என்கிற வெறியோடு இதில் என் உழைப்பு முழுவதை கொடுத்திருக்கிறேன்.

அதனால் இந்த 6 என் வாழ்க்கையை தீர்மானிக்கப்போகும் படம் என்றார்.

6 என்று பெயர் வைத்திருப்பதற்கு காரணம். கதை 6 வருடம், 6 மாதம் 6 வாரம், 6 மணி நேரத்தில் நடக்கிறது என்றும் 6 மாநிலங்களுக்கு கதை செல்கிறது எனவும் கூறியுள்ளார்.